|
|
| |
| DY FJALË PËR REVISTËN DRITA |
| Revista DRITA
ka më se tre vjet që botohet në Veriun e largët
të Evropës, në Suedi. Për ne që ndihmojnë në botimin
e saj, nëperëmes të shkrimeve, përgatitjes teknike
dhe intervistave, kjo ka qenë një periudhë tejet
interesante dhe frymëzuese. Së bashku, ne kemi arritur
të nxjerrim një revistë me profil, e cila, gjatë
këtyre vjetëve, dalë-ngadalë është shëndrruar në
inventar të mërgatës shqitpare në Suedi. |
 |
Deri tani DRITA
ka botuar në rubrikat e veta me qindra e qindra
faqe që kanë zgjuar interes, si në mërgatë, ashtu
edhe në Kosovë.
Për lexuesit tanë të kultivuar, kolumni i përhershëm
i letrarit Hajdin ABAZI është nocion në vete, ashtu
si edhe analizat strukturore të shkencëtarit Zeqir
RAMA, trajtimet psikogjuhësore të albanologut Hazyr
DERVISHI, vështrimet e serta të
Fadil SHYTIT etj.
Nëperëmes të intervistave të numërta e të hapta,
revista DRITA tash më njihet në Evropë si zëdhenëse
publike e të përndjekurve politikë shqiptarë, e
martirëve tonë të lirisë.
Një moment i veçantë emocinal ishin për ne zbulimet
senzacionale të revistës DRITA reth thesarit të
princit Vid, mbretit të harruar të Shqipërisë nga
v. 1913 dhe për lidhjet e këtij me Suedinë: në Trelleborg,
qytet jugor të Suedisë ku botohet revista DRITA,
një djerrinë e paafrueshme e bregdetit quhet ende
nga vendasit Wilhelm af Albaniens. |
 |
Njëherërit, revista
DRITA është bërë e njohur edhe për dellin e vet
të hollë letrar, për përkthimet cilësore të letrave
të bukura shqipe e suedeze, e veçanërisht të poezive.
Në këtë mes, spikaten visaret e përkthyera nga albanologu
suedez Ullmar Qvik, bujtës i shpeshtë i universiteteve
në Prishtinë e në Tiranë, dhe ato të Shqiptar OSEKUT.
Ndërkaq, artikujt suedisht të këtij të fundit për
zhvillimet në trojet shqiptare ose reth komunitetit
tonë në Suedi kanë shërbyer si pasqyrë afirmuese
e komunitetit në shoqërinë suedeze. Së shpejti,
në ballinën tonë do të mund të lexoni artikuj e
punime të përzgjedhura të autorëve tanë shqiptarë
e suedezë.
Këtu do të mund t'i gjeni edhe intervistat me disa
nga emrat më të përmendur të qëndresës shqiptare
në Kosovë gjatë këtyre 50 vitevet ë fundit, disa
nga të cilët, na thotë mendja, janë lënë mënjanë
me të padrejtë. |
| Lexoni, komentoni,
lirisht kritikoni apo lavdëroni... |
| ...Drita ekziston
edhe për ju. |
| Këto fotografi
janë pamje e qytetit të Trelleborgut. |
| Foto: Frashër
Oseku |
| |
|
|
|
|
