Med løyve i hand

Eirik Grøvle

With Permit in Hand
Med løyve i hand

ê

Svada
Internet 1999

[ Statisk utgåve | Interaktiv utgåve ]

The City Bus Sporveisbussen	ê
Eg er ein buss med massevis av seter. Skal eg vera ærleg kjenner eg berre nokre av dei. Og når eg køyrer frå ein stad til ein annan tek eg ein velkjent veg, den eg pliktar å ta.

The Ringerike Bus Ringeriksbussen	ê
Lik ein leopard tæra av svolt, smyg eg meg yver Sollihøgda. Kvar dag - att og fram millum Oslo og Hønefoss. Ein regionalbuss på veg med pendlarar.

The Valdres Express Valdresekspressen	ê
I sjog og sludd, blæst og vind køyrer eg yver Tyin. Eg lèt meg ikkje stogge, av di eg veit at utan meg ville det vesle Årdalssamfunnet gå til grunne.

Route 541 - The Drøbak Bus Rute 541 - Drøbaksbussen	ê
Kva er du, eigentleg, høyrer eg du spør. Spørsmålet er godt, - eg veit det ikkje sjølv. Kan henda er eg berre ein lokalbuss på ville vegar.

The Svelvik Bus Svelvikbussen	ê
Kva eg gjer her utanom den eigentlege traséen? Jau, sei det. Eg veit det er gale, - men kva kan eg gjera. Ein må jo leva. Eg gjer som eg blir bede um.

F1 - Airport Express Bus F1 - Flybussekspress	ê
I kamp med drosjar og tog køyrer eg slalåm millum bilane på veg til Gardermoen. Dei kallar meg ein flybuss, høyrer eg. Eg, som hatar båstenkjing - - -

The TIMExpress TIMEkspressen	ê
Eg ser meg sjølv korkje som regionalbuss eller fjernbuss. Meir lik ein ekspressbuss med dårlege rådgjevarar.

141 - Østerås 141 - Østerås	ê
Snøgt hastar eg forbi dei gamle damene, barnevognane hundane og kattane i Bygdøy Allé. Mi plikt er ei å stogge. Eg er ein SL-buss. Kan ikkje stogge kvar som helst då, veit du.

The IKEA Bus IKEA-bussen	ê
Somme seier eg kan køyre med turvognløyve. Andre seier eg burde ha rutevognløyve. Lyt eg venta til EU har sagt kva dei har å seie? Eg freistar å ikkje tenkje for mykje på det.

The Torp Express Torpekspressen	ê
Over dei rimfrosne markane i Vestfold ein stad flyg eg fram. Dei seier eg skulle vore avskilta for lengje sidan. Sjå um eg bryr meg.

The Haukeli Express Haukeliekspressen	ê
Haukeliekspressen, det er eg. Eg var den fyrste, eg skal verta den siste. Um so eg skal bukserast med enden fyrst yver Midtlæger.

The Møre Express Møre-Ekspressen	ê
Kring Grotli byrjar gleda få tak. Då veit eg Sunnmøre ventar attum fjøllet. Der er fjordane djupare og jintene fagrare Det veit eg so vél.

The Gorr Bus (Local Route 450) Gorrbussen (Lokalrute 450)	ê
Ein gorrbuss* er aldri riktig nøgd. Spør berre meg. Det er ikkje mykje glede å finne attmed vegen millum Karasjok og Valjok.

* A Note
* Ein note

ê

Ein gorrbuss er ein buss
som tidlegare har køyrt
lokaltrafikk i Oslo,
men som på eit tidspunkt
har forvilla seg utanom Oslo.
Desse bussane vert svartlista,
og er under inkje kjende umstende
velkomen attende til Oslo.
Desse bussane tenderar å ende upp
nord um polarsirkelen,
og aller helst vil du finne dei
i aust-Finnmark,
der dei lev eit hardt liv.

Då kan dei angre
resten av si levetid,
og det gjer dei òg.