Svada
Internet 1999

Poem #1 Dikt #1 ê Djupfrosne tjønn knirkar i mørke vinternatta Bodskapen frå Månemannen let ingen att urørd

Poem #2 Dikt #2 ê Stjerneskot fer over nattsvart himmel lik vatn som ikkje har gløymd å drøyma Tal til meg seier Månemannen - Eg er ikkje så ond som dei seier

Poem #3 Dikt #3 ê Eg gjekk over kvite vidda ei vårnatt Med eitt kikka månen fram frå gøymet sitt attom skyane Vi var samde om at det var ei fin natt å vera ute i

Poem #4 Dikt #4 ê Ei natt spurde han meg kvifor eg ikkje held meg til Sanninga Eg sa som sant var; det er ikkje så lett som det kan synast

Poem #5 Dikt #5 ê Eg spurde om han visste kvifor du hadde fare - Om han trudde du kom attende Men, nei

Poem #6 Dikt #6 ê Han sa eg ikkje skulle fortvila kan hende kom du attende Og då ville alle dei nattsvarte dagane berre bli gløymde minne einstad i hugen Det var nok berre noko han sa

Poem #7 Dikt #7 ê Han sa du hadde vore og snakka med han du undra om du gjorde det rette Han ville ikkje seia kva han hadde svara deg - - -

Poem #8 Dikt #8 ê Eg bad han seia korleis du såg ut om du hadde det fint utan meg Alt han sa var berre det som eg ikkje ville høyra Brått blei alt svart - - -

Poem #9 Dikt #9 ê Nokre kaninar møtte meg dei silflaya stumt under stjernene vaktsame undra dei: - Var eg ein elil? Månen sa: Dykk treng ikkje vera redd han. Han vil ikkje gjera dykk noko So kom skyane - - -

Poem #10 Dikt #10 ê Førre veka då eg tala med Månemannen sa han mykje om meg som eg ikkje vil gje att Eg kjem neppe til å tala so mykje med han framom

Poem #11 Dikt #11 ê Sist eg var ute og gjekk kveldstur fekk han auge på meg ute på Svartmyra Han bad om orsak for dei orda han hadde late falla Han forstod, sa han - - - Eg sa eg måtte tenkja på det

Poem #12 Dikt #12 ê Eingong spurde eg om det var noko i påstandane om at Elvis lever på månen Eg trur eigentleg det var då usemja millom oss byrja Alt anna var berre påskot - - -

Poem #13 Dikt #13 ê Skøyr er lykka når du ikkje veit du er i ho kviskra Månemannen til meg ein kveld han ikkje var å sjå Eg somna seint den natta